ERMENTILA GUCI
GËZOHU
Sot duhet të jetë një ditë dashurie
Metrika e dritës të kap shpirtin tënd.
Arratisu nga dhoma e murgut,
si pellumbat që sjellin paqe,e dashuri nga një vend tek tjetri.
Nëse ndihesh vetëm mes njerëzve
Mos i shtri duart drejt tyre,
bëji grusht ,
është vetmbrojtje!
Trupi të lëviz plot sharm ...
të bisedoj me
gjelbërim,
pemë,
gurë,
qiell
ato janë aty pa kohë...
Ne ecim nepër ditë endacake,
Prandaj gëzohu...
Dheu njerëzor na pret në ditë të gjithëve!
MENDIMET
Qepallat mbyllen-hapen
kërkojnë të kapin një mendim,
Diçka që duket në horizont
por velloja e misterit e fut në kurthe mendjen.
Mendimet parakalojnë
pa pyetur zemrën tonë,
Ti kërkon të ndalesh tek një prej tyre...
Ndërsa një mori pyetjesh të pushtojnë.
Mendime qe të bêjnë të lumtur
sa mbyll sytë për të mos ikur këto momente,
Do t'i mbash në përjetêsi për vete,
sa keq janë veç çaste...
Mendimet na kujtojnë
kohën që ikën e na vjedh,
Emocionet dhe një pjesë të jetês sonê,
Duhet patur fat t'i rigjejmë përseri.
SI JE
Rrokullisen ditët,
si top futbolli në fushën e lojë,
Në kalendar shénohen
emocionet.
Nga honi i shpirtit
mijra dëshira ,kercasin
dhembët,
Prej burgut të vetvetes.
Te pyetja' si je..'?
Mbështillen të gjitha mendimet.
ORËT
Orët urë midis vafteve
këndesi zgjon mëngjesin,
Dielli gostit drekën
me dashuri,
Muzgu përshëndetet
me diellin.
Hëna si drapër errësirën gris,
Nata shtrihet kembëkryq...jorganin e ëndrrave rremben!
Dashurohu në çast
Orët ikin e këmbehen
sipas ritualit të pashkruar...
Presin e përcjellin ngjyrat e ditë-natës!