ENTELA TABAKU SORMAN
KJO JETË
Kjo jete ishte e magjepsur
Shpirt
Perdite i bej punet
Perdite
Po ato perdite zhbehen si me magji
Serish.
Cdo mengjes
I laj xhamat e syve te shoh qarte
Po mbasditeve i mblon terri serish
I fshij pluhrat e ndjenjave t'i mbaj gjalle
Po ne mbremje i ka mbuluar pluhuri serish
I mbledh enet e fajeve t'u ve kapak
Por neteve marrin shtepine serish
Nga fillimi ia nis cdo mengjes
Dhe une mbeta me fshese ne dore
Kjo jete ishte e magjepsur
Shpirt
Heren tjeter dua te fluturoj
Si shtrige
SOT
Sot i nxora barkat ne rane
si andrra te mberrime
druni i lodhun u leshu
u cliru gozhdash
ne gezim u ca
dhe plazhi u mbush me shkarpa
ne mbramje i mblodha
i ndeza
i dogja
ne rreth
flaka u hap
dhe une u ngroha
I HODHA RETË
I hodha rete ne det
si carcafe te palame
i laga me uje te krypun
i ferkova me shkume
me derrasa te mbytuna i rraha
dhe i ndeva ne direke
rete u shtrine
u shpalosen
u valeviten
velat u fryne
horizonti u hap
dhe mu me mori era
KU MBAROJNË TË TJERËT
Ku mbarojnё tё tjerёt
e ku filloj unё?
dёshirat e tё tjerёve mё dёshirohen
ma marrin jetёn pёrpara
si digё e ndёrtueme me u vu poshtё
andrrat e tё tjerёve mё andrrohen
mё mbajnё kacavarё
si fustan i lagun qё kurrё s’po din me u tha
kёrkesat e tjerёve mё kёrkohen
ma tendosin lёkurёn
si llastik qё mban sa tё mbajnё
dhimbjet e tё tjerёve mё dhembin
ma gjunjёzojnё shpirtin
si lutje qё kurrё nuk ka me u ndigju
pritjet e tё tjerёve mё priten
ma varrosin lirinё
si kockё e harrueme e qenit tё shtёpisё
ku mbarojnё tё tjerёt
e ku filloj unё?
a fillon grueja
kund?
MË SHEH
Më sheh
e s’di si më kapesh për qerpikë
më përpihesh në sy
m'i gjen kanalet e lotit
e rrëshqet rrëshqet
teposhtë
në krye tem
më del për hundësh
fluturim
e më bjen në buzë
më kapesh për gjuhë
më përpihesh në grykë
ma gjen fytin
e rrëshqet
teposhtë
teposhtë
e s’din me dalë
symbyllë.